Пожар во напуштен објект во Тетово, во објектот имало едно бездомно лице

Околу 7:30 часот пожарникарите интервенираа во напуштен објект близу просториите на поранешното превозно претријатие „Полет”, на улицата „Илинденска” во Тетово.

Во објектот имало едно бездомно лице, а при гаснењето на пожарот со три возила и седум пожарникари, нема повредени.

-Ова е втор ваков случај за кратко време, да се интервенира во напуштени објекти каде доаѓа до пожар, а во кои живеат бездомни лица. И во овој објект имаше едно бездомно лице, но за среќа немаше повредени во пожарот. На 27 април интервениравме кај автобуската станица каде изгоре поголем објект, информира командантот на тетовските пожарникари, Ука Алити за МИА.