424
Големиот шумски пожар во Кипар, кој однесе четири животи за два дена, беше ставен под контрола утрово, јавуваат кипарските медиуми.
Пожарот избувна во саботата попладне во Аракапас кај Лимасол, а поради силниот ветер зафати голема површина покриена со шума и вегетација. Огнот проголта сè што му се најде на патот, вклучително и куќи и други згради, пренесува „Cyprus Mail“.
Експертите велат дека пламенот поминал осум километри за пет часа и се проширил на површина од 55 километри.
Загинаа четири лица, а станува збор за работници од Египет чии јагленисани тела ги пронајдоа нивните колеги во блискиот ендек во неделата наутро.