Со доведување на Ромелу Лукаку за 115 милиони евра, Челси го собори клупскиот рекорд, но и ги потсети сите дека лондонскиот клуб е најголемиот трошач во модерниот фудбал во последниве речиси две децении.
Белгиецот веќе играше за Челси во периодот од 2011 до 2014 година, но блескаше само во Евертон, од каде што кариерата ја изгради надвор од „Стемфорд Бриџ“.
Томас Тухел го предупреди Роман Абрамович и му рече дека му се потребни вистинските засилувања за да ја одбрани титулата во Лигата на шампионите. Еден од нив е Лукаку, гол машина која гарантира нова димензија во нападот на „сините“.
И тоа ја продолжи низата врвни и скапи засилувања што пристигнаа во клубот од 2003 година кога клубот го купи Абрамович.
Челси стигна до пет трофеи во Премиер лигата, пет ФА Купови, две Лиги на шампиони во неговата ера, но сето тоа значеше трошење богатство.
Со доаѓањето на Лукаку, Челси повторно е сам на првото место, откако Абрамович даде точно 2,34 милијарди евра само за засилувања од 2003 година. Така, тој успеа да го престигне Сити, кој успеа да потроши 2,24 милијарди во многу пократок период.
На трето место е Барса, која имаше две одлични генерации за 18 години, а тоа ја чинеше 1,98 милијарди. Четврти на листата е Реал Мадрид со 1,91, додека Манчестер Јунајтед застана на 1,82.