Пратеникот од редовите на ДУИ, Бајрам Кадрија денеска од собраниската говорница го обвини лидерот на Демократски сојуз, Павле Трајанов дека учествувал во распаѓањето на сега веќе поранешната партија ПДП и дека учествувал во делбата на ДПА на Мендух Тачи.
-Не знам како стигнавте да бидете во Собранието од служба што е позната по поделби. Второ, вие без никаков срам носите на товар многу судбини на многу семејства. Зборувавте за Смилковско езеро, а вашата служба каде што бевте, 98% се како вас – работат привремено таму, а се мешаат во многу работи каде што не им е професија. Сигурен сум дека сте вмешани и во поделбите на многу партии… Познати сте по тоа дека сте биле вклучени во поделбата на ППД и делбата на ДПА и тоа ви е силна страна, кажа Кадрија.
Ова следува како пратеникот и лидер на ДС повика да се отворат Хашките случаи. Според него, злосторствата против човештвото не застаруваат.