Трендовите на шминкањето се менуваат секоја година, но неколку правила важат како закон и секогаш мора да се испочитуваат, за да постигнете ненападен и свеж изглед.
Тајната на секоја шминка, без разлика дали е дневна или вечерна, се крие во самиот почеток на шминкањето, односно во нанесување на подлогата.
Фото: Unsplash
Пред да ставите пудра, важно е да нанесете подлога, позната во шминкерскиот свет како „прајмер“, која го матира лицето и ги измазнува порите. Веднаш потоа се нанесува коректор, за прикривање на ситните несовршености.
Дури потоа на ред доаѓа пудрата. Важно е да не прескокнувате чекори, дури и ако ја имате најдено совршената пудра за вашиот тип на кожа.
Со прајмерот, коректорот и пудрата ќе постигнете изедначен тен, кој пак е основа на одличниот изглед.
Дури откако ќе ги поминете овие три важни чекори, можете да почнете со нанесување декоративна козметика и да експериментирате со боите и нијансите кои ви одговараат.