Се уште нема конечна одлука на спорот за името меѓу Македонија и Грција, но двете страни се решени да продолжат да работат, додека не се најде решение, изјави вчера во Њујорк посредникот на ОН во разговорите меѓу двете страни, Метју Нимиц по разговорите со првите дипломати на земјите Никола Димитров и Никос Коѕијас.
„Како што знаете, имавме средби вчера, а денес разговаравме ден и половина. Прашањата се добро формирани и точни. Можам да кажам дека ова беа преговори на кои работевме многу”, рече Нимиц по состанокот со двајцата министри вчера.
Медијаторот нагласи дека Димитров и Коѕијас заминуваат во Брисел каде што разговорите ќе продолжат. Тој додаде дека иако сé уште нема конечно решение, двете страни се подготвени да работат напорно за да го најдат.
“Преговорите се значително зајакнати, при што двете страни имаат важни позиции, а нивните ненационални интереси се дискутабилни. Двете страни ја признаваат важноста на она што е постигнато и се решени да го комплетираат”, додаде Нимиц.
На прашањето дали ќе се сретне со премиерите на Македонија и Грција, Метју Нимиц изјави дека често разговара со министрите, а со премиерите добро се познаваат и се надева дека ќе успеат да најдат решение.
Димитров и Коѕијас разговараа со посредникот Нимиц речиси шест часа завчера, а вчера преговорите продолжија околу два часа.
“Од Нимиц ја очекуваме неговата мудрост за време на преговорите”, кажа шефот на грчката дипломатија и објаснува дека преговорите се поделени на два дела, оние меѓу министрите за надворешни работи, кои дискутираат за главните политички прашања и меѓу техничките групи.
Ние преговараме за да си го вратиме името Македонија назад и да ги раграничиме работите
Ципрас, одговарајќи на новинарско прашања, по средбата со солунскиот градоначалник Јанис Бутарис, не се задржа на преговорите што се водат во Њујорк, а на тоа зошто Атина прифаќа сложено име, свртувајќи се кон сите оние кои во Грција ја обвинуваат владата дека “го дава името Македонија”, изјави:
“Ние сме во преговори кои се деликатни, критични, преземени се чекори. Продолжуваме да ја заштитиме националната позиција и кога веќе сум во Солун, во Македонија, сакам да кажам, бидејќи слушам некои дека велат дека не го даваат името. Ние сме тука, обидувајќи се да вратиме нешто, а не да дадеме нешто. Да го земеме тоа нешто што пред 70 години е дадено од други, не од нас”, рече грчкиот премиер, објаснувајќи дека соседната земја и во рамките на Југославија, и по распадот го користи името Македонија” без никаква друга дефиниција”.
Ципрас смета дека името без дефиниција “се насочува кон античкиот грчки свет и големото културно наследство на грчката Македонија”, а во преговорите Атина се стреми тоа да си го врати, нешто што според Ципрас, “не е лесно”.
“Ова е комбинирањето на навидум спротивни концепти кои имаат државен субјект кој 70 години се вика Македонија, а нема ништо заедничко со Александар Велики и со овој историски процес. Тие имаат словенски и албански корени и го препознаваат. Што значи дека ако добиеме дефиниција пред името Македонија, е голема победа и уште поголема ќе е да се договориме дека едно е нашата Македонија, која доаѓа од долгата традиција на грчкиот антички свет, а друго е нивната традиција и нивниот културен знак”, рече Ципрас и истакна дека Грција ниту игнорира, ниту мисли дека Македонија нема традиција или културно наследство, но станува збор за две различни нешта. Грчкиот премиер додаде дека е време двете страни да коегзистираат, да соработуваат и да живеат во мир во корист на целиот регион.