Премиерот на Норвешка: Загрижува мешањето на Маск во внатрешните работи на другите земји

Норвешкиот премиер Јонас Гар Стере денеска изјави дека директното мешање на американскиот милијардер Илон Маск во внатрешните политички работи на други земји е загрижувачко.

„Загрижувачки е што човек со огромен пристап до социјалните мрежи и огромни економски ресурси е толку директно вклучен во внатрешните работи на другите земји. Вака не треба да бидат работите меѓу демократските земји и сојузниците“, рече Стере, пренесува Ројтерс.

Тој оцени дека, доколку Маск се обиде да се вклучи во норвешката политика, сите политичари во таа земја треба да се оградат од него.