Преморените 96 пожарникари од Австрија ќе се заменат со 114 нови

Во Македонија ќе пристигнат нови 114 пожарникари од Австрија, а 96 ќе се вратат во земјата.

Замената беше извршена синоќа на аеродромот во Виена. Пожарникарите кои беа во Македонија се вратија дома, а место нив кон Скопје полетаа нови од Австрија кои во следните денови ќе помагаат во локализирањето на големите пожари во земјава.

На Фејсбук страницата на Противпожарната служба на Долна Австрија беа споделени информации и фотографии од примопредавањето на должноста на пожарникарите.