Претседателот на грчката партија сака да го запознае нивниот единствен гласач

Партијата Грци еколози, под водството на Димостенис Вергис, освои само еден глас на вчерашните парламентарни избори во Грција. Интересно е што ниту самиот Вергис, ниту неговата сопруга, не гласале на изборите. Затоа, тие се обидуваат да го пронајдат единствениот гласач на нивната партија.

Иако учествувал на претходни избори и не добил гласови, Вергис изразува задоволство што овој пат добил еден глас. Тој истакнува дека сака да го пронајде човекот кој гласал за него за да му се заблагодари и да го почести. Исто така, Вергис изразува желба да го најде гласачкото ливче како сувенир.

Во претходните парламентарни избори во 2019 година, партијата Грци еколози на Димостенис Вергис не освои ниту еден глас.