Не заборавајте дека искрениот разговор е клучен за успех на секоја врска.
Кога е сексот во прашање, секој очекува и сака возбудливи и страсни моменти со партнерот. Освен што е важен дел од врската, сексот исто така е уште еден начин да се поврзете со саканата личност.
Но, понекогаш нештата едноставно не „штимаат“. Ова се најчестите проблеми со кои се соочуваат двојките во нивниот сексуален живот:
Различно либидо
Многу честа појава е едниот од партнерите да сака секс почесто од другиот. Секс-терапевтката Емили Морс вели дека до проблеи доаѓа кога разликата во либидото е многу различна или кога интензитетот не е ист во исто време кај двајцата партнери. Освен што ќе се јави незадоволство, неусогласеното либидо може да доведе до фрустрација и да биде причина за расправии. Оваа ситуација може да се подобри со отворен разговор, разбирање за потребите на партнерот, а понекогаш и компромис.
Проблем во комуницирањето
Морс тврди дека колку повеќе разговарате за сексот, толку подобар секс ќе имате. Комуникацијата треба да почне надвор од спалната соба – во неутрален простор каде никогаш не водите љубов. Никогаш немојте да го обвинувате другиот, туку изјаснете се што ви пречи и што ви треба, а потоа внимателно сослушајте. На крај, преминете на решавање на проблемот и поставување на основа за побрзо реавање на проблемите во иднина.
Недоволно предигра
Истражувањата покажале дека на повеќето жени им се потребни 18 минути предигра за да се возбудат и да уживаат во сексот. Не го прескокнувајте овој дел од сексот и повторно – не заборавајте на отворената комуникација.
Здодевен секс
Можете да го обвинувате партнерот колку сакате, но вие сочинувате 50% од сексот од кој се жалите. Затоа, наместо да вперувате прст, преземете ги работите во свои раце: пробајте нов простор, нова поза и вратете ја страста кај себе, а потоа и во врската.
Недоволно време
Живееме во брзо и динамично време и често се чувствуваме „проголтани“ од обврски. Тоа секако се одразува на времето за интимност. Сепак, мора да научите да постигнувате баланс во животот, за сѐ, вклучувајќи го и сексуалниот живот. Мора да најдете време за себе и време за со партерот и да го направите тој план одржлив долгорочно. Ако треба, закажете термин за секс, само да не дозволите а помине уште повеќе време што ќе ве оддалечи од партнерот.