Британскиот принц Чарлс донираше на Хрватскиот фонд за реконструкција по земјотресот на 22 март, а на претседателот Зоран Милановиќ му изрази „длабоко жалење“ за жртвите и штетите од земјотресот, објави во саботата британската амбасада во Хрватска.
„Бидејќи јас и мојата сопруга имаме толку убави и посебни сеќавања од посетата на Хрватска пред четири години, бев шокиран кога слушнав дека толку многу вредни историски градби во Загреб претрпеа толку многу штети“, се вели во писмото на принцот од Велс до хрватскиот претседател.
Во знак на признание за добрите односи меѓу Велика Британија и Хрватска, принцот Чарлс донираше пред повеќе од еден месец на владиниот фонд за обнова на Загреб, оштетен од земјотресот.
Од земјотресот што го погоди Загреб среде пандемијата од „Ковид-19“, „можам да ја замислам само предизвикувачката состојба што го предизвика земјотресот за вашата земја“, се додава во писмото.
„Хрватска и нејзините луѓе се во нашите мисли и молитви во овие болни и тешки моменти“, заклучи принцот Чарлс.
Принцот и неговата сопруга Камила, војвотката од Корнвол ја посетија Хрватска во пролетта 2016 година, посета која немаше политичка димензија, туку се фокусираше на зајакнување на врските меѓу двете земји и нивните граѓани.
Тие ги посетија Загреб, Славонија и Барања, а за својата божиќна картичка таа година избраа фотографија направена на 15 март, за време на нивната посета на Хрватска, пренесува Хина.