501
Во прошталниот говор во базата Енруз во Мериленд, американскиот претседател Доналд Трамп им се заблагодари на своите приврзаници, ветувајќи им дека „ќе се врати во некоја форма“ и на идната администрација на демократот Џо Бајден ѝ посака „многу среќа и голем успех“.
„Ова беа неверојатни 4 години. Сакам да ви се заблагодарам на сите што сте тука. Луѓето не знаат колку напорно работеше семејството Трамп“, рече Трамп.
Трамп изрази надеж дека претстојната администрација на Џо Бајден и Камала Харис нема да ги зголеми даноците.
„Се надевам дека нема да ви ги покачат даноците. Ако ги покачат – ви реков дека ќе биде така“, рече тој и додаде:
„Вие сте неверојатни луѓе, ова е одлична земја. Ми беше чест и привилегија да бидам претседател. Јас секогаш ќе се борам за вас. Ќе се вратиме … Ви посакувам добар живот, и ќе се видиме наскоро“.