Протерување на петмина Кинези кои илегално влегле во Македонија

Во текот на вчерашниот ден, петмина кинески државјани биле фатени од граничната полиција на границата со Грција.

-Вчера во 15.40 часот, полициски службеници од Полициската станица за граничен премин и граничен надзор Богородица во коритото на Сува Река ги пронашле Л.Х.(49), Т.Л.(34), В.Л.(32), Л.Х.(41) и Д.Ј.(31), сите од Кина, информираат од МВР.

По извршена проверка и контрола било констатирано дека лицата илегално влегле во државата.

Од Основен суд Гевгелија на лицата им била изречена парична глоба и прекршочна санкција – протерување на странец од територијата на РСМ во траење од три години.