Вистинска драма се одвива во Пакистан. Во тек е спасувањето на осум лица кои останаа да висат заробени во жичарница над долина на северозапад од земјата. Според Би-Би-Си, меѓу осумте лица има шест деца.
Децата оделе на училиште кога им пукналa една од сајлите и останале да висат на 274 метри над земјата. Спасувачите се на терен, а децата се обидуваат да ги спасат и воени хеликоптери. Во моментов нема информации колку е успешно спасувањето.
Би-Би-Си јавува дека осум патници биле заробени повеќе од четири часа пред да пристигне воен спасувачки хеликоптер. Инцидентот се случил околу 7 часот по локално време.
„За волја на Бога, помогнете ни“, изјави Гулфраз, човек заглавен во жичарницата, за пакистанскиот ТВ канал Geo News по телефон. Тој потврди дека се вкупно осум лица.
Six children and two adults were suspended inside a cable car dangling over a deep #Pakistani valley on Tuesday, as a military helicopter hovered nearby.
The children were using the chairlift to cross the valley to get to school when a cable broke at a height of up to 1,200 feet… pic.twitter.com/cU45PSFD1a
— Siddhant Anand (@JournoSiddhant) August 22, 2023
„Жичарата е заглавена на место каде што е речиси невозможно да се помогне без хеликоптер“, изјави за АФП Зулфикар Кан, официјален претставник на пакистанската спасувачка служба 1122.
Локален наставник изјавил дека околу 150 луѓе секојдневно одат на училиште со опасната жичара поради недостаток на сообраќајна инфраструктура во областа.