Иако сè изгледа мирно на површината, и како да нема сериозно движење околу трансферот на
Нејмар, под неа всушност врие од акција. Во пракса, сегашниот клуб на Бразилецот, ПСЖ е
подготвен да се ослободи од играчот за кого веќе јавно беше објавено дека не сака да остане во Париз, но само да не е во Барселона.
Двата клуба се вистински непријатели поради настаните од пред две години. Поточно од тогаш
наваму, Французите се обидуваат да „интервенираат“ при секој трансфер на Каталонците и ако се
разбере дека тие се заинтересирани за некого, ПСЖ се вклучуваат во наддавање и вештачки ја
зголемуваат цената на дадениот играч.
И сега тие се подготвени да прават бизнис со сите само за да не го продадат Нејмар во Барселона.
Според весникот „Марка“, шефот на ПСЖ, Насер ал-Хелаифи двапати го понудил Бразилецот на
Реал минатиот месец. При тоа, не по цената што моментално е „закована“ за Барса – 200 милиони
евра.
Проблемот е што „белите“, кои пред само неколку месеци беа подготвени да платат огромна сума
за Јужноамериканецот, веќе не го сакаат во нивниот состав. И причината за овој недостаток на
интерес се крие во тренерот Зинедин Зидан, кој не му се допаѓа фудбалерот и смета дека не вреди
толку пари.
Пред доаѓањето на Зизу, претседателот на Реал, Флорентино Перез беше подготвен да изброи
околу 200 милиони евра за Нејмар. Но откако потпиша повторно со тренерот, се согласи на
неговите барања за селекција и беа привлечени Еден Азар, Лука Јовиќ и други играчи, наместо сите
пари да се фрлат за еден „галактико“ како Бразилецот.
Па единствената опција за ПСЖ да се ослободи од незадоволната ѕвезда останува бизнис со
Барселона. Ниту еден друг клуб во Европа и во светот не е подготвен да ги задоволи финансиските
барања на клубот и играчот. Значи, дури и со одвратност, Французите ќе мора да го продадат во
клубот, кој нивниот голем шеф го мрази најмногу во светот.
И ако има договор, тоа ќе биде под условите на Каталонците. Тие ќе дадат двајца играчи и мала
сума на пари на Пари Сен Жермен, а немаат намера да плаќаат 200 милиони евра за 27-годишниот
играч. Разврската доаѓа наскоро, и двата клуба се заинтересирани да не се стига до сага и да
завршат сè до крајот на овој месец.