Путин потврди дека со Си ќе разговара за мировниот предлог на Пекинг

Рускиот претседател Владимир Путин денеска изјави дека Москва ги проучувала предлозите на Пекинг за решение на конфликтот во Украина и дека е отворена за преговарачкиот процес.

Тој го изјави ова на средбата со претседателот на Кина, Си Џинпинг и посочи дека знае оти Кина поаѓа од принципите на правда и почитување на основните одредби на меѓународното право.

„Секогаш сме отворени за преговарачкиот процес и секако ќе разговараме за сите овие прашања, вклучувајќи ги и вашите иницијативи, кои безусловно ги почитуваме“, нагласи Путин, пренесе ТАСС.