Рускиот претседател Владимир Путин денес изјави дека Русија се согласува дека планот на американскиот претседател Доналд Трамп за Украина може да биде основа за иден мировен договор.
Путин нагласи дека нема нацрт-мировен план за Украина, туку збир прашања предложени за преговори, објави Спутник.
Рускиот претседател изјави дека по разговорите во Женева во недела и понеделник, САД и Украина одлучиле дека сите 28 точки од планот на Трамп треба да се поделат на четири компоненти.
„Сето ова ни е пренесено и генерално се согласуваме дека ова може да се искористи како основа за иден договор“, рече Путин.
Според него, Русија гледа дека американската страна на некаков начин ја зема предвид нејзината позиција. Путин рече дека Русија и САД дефинитивно треба да седнат и да разговараат за некои прашања.
„Организацијата на договорот за колективна безбедност (ОДКБ) не се заканува никого, но мора да биде подготвена да одбие какви било дејствија насочени против неа“, рече Путин на крајот од неговата посета на Киргистан.