5
Рускиот претседател Владимир Путин изјави дека оние кои го советуваат американскиот претседател Доналд Трамп да воведе санкции врз руската нафтена индустрија всушност работат против интересите на САД.
„Доколку обемот на нашата нафта и нафтени производи се намали на светскиот пазар, тоа ќе доведе до скок на цените на нафтата и горивата, вклучително и на бензинските пумпи, а САД не се исклучок“, изјави Путин за новинарите, додавајќи дека разговарал за ова прашање со Трамп, објави денес ТАСС.
Тој нагласи дека зголемувањето на цените на горивата може да има политички последици во САД.