Рок-групата Манескин, победници на овогодинешниот натпревар за песна на Евровизија, веќе некое време се sвезди во нивната родна Италија, и по неделниот триумф на сцената во Ротердам, тие станаа вистински хит низ цела Европа. Секако, нивната популарност најмногу се должеше на згодниот фронтмен, 22-годишниот Дамиано Давид, кој буквално ја „уништи“ конкуренцијата на сцената со својата харизма.
Но, иако од самиот почеток на својата кариера тој вешто се обидува да го скрие приватниот живот од очите на јавноста, италијанските медиуми неодамна, на големо разочарување од обожавателките на Дамиано, открија дека шармантниот пејач има девојка веќе четири години. Станува збор за познатиот италијански инфлуенсер и модел Џорџиа Солери (25).
Гласините за нивната врска траат со години, а минатата година се беше „откриено“ на социјалните мрежи. Во тоа време, следбениците на фронтменот на Манескин забележаа некои исти детали на неговите и фотографиите на Џорџиа, но вистинската потврда за љубовта пристигна пред само неколку дена.
– По скоро четири години, конечно можеме да го кажеме тоа, нели? – напиша Давид на своето Инстаграм стори каде објави и фотографија на која тој гушка девојка во која се вљубил уште во 2017 година.
Овој секс симбол на италијанската музичка сцена своевремено се поврзуваше со Друсила Гучи (25), натпреварувачка од реалното ТВ шоу „L’isola dei famosi“.
Долго време се шпекулираше за неговата наводна врска со колешка од групата, басистката Викторија Де Ангелис (21), (што и двајцата негираа), а со оглед на последната потврда за неговиот љубовен статус, сродната душа на Дамиано се чини дека е привлечната Солери.
– Секој може да има секс и да се дрогира, но поради тоа нема да бидете кул … Да се биде уметник е добра работа, да се создава, да се биде креативен, да се пишува … Да се доживее луѓе да нè гледаат кога сме на сцена, тоа е најдобро, сакам да го запомниме тоа. Не од моите фотографии со жени. Мислам, сигурно е кул, но искрено, по 10 минути, тоа чувство веќе поминува – еднаш прокоментира рокерот за Космополитен за големиот интерес на медиумите и јавноста за неговиот приватен живот.
Што се однесува до неговата Џорџиа, таа порасна во Милано, снимаше едиторијали за списанијата „Hangover“, „Digital Camera“ и „GQ Italia“, а исто така се појави и во музичкото видео за синглот „Apnea“ на музичарот Ркоми. Таа обожава тетоважи, исто како и Дамиано.
– Позирам, сакам, го покажувам задникот на Инстаграм и јадам l’amatriciana. Во меѓувреме, пишувам поезија и сум феминистка – стои во описот на нејзиниот профил на Инстаграм, каде ја следат скоро 170.000 луѓе.