Луѓето кои редовно јадат ултра-преработена храна имаат речиси трипати поголем ризик од развој на Паркинсонова болест, покажа нова студија.
Ултра-преработената храна и пијалоци вклучуваат: замрзнати оброци, засладени житарки, инстант супи, овошни јогурти, месо одгледувано во лабораторија, сладолед, чипс, бисквити, безалкохолни пијалоци…
Кинеските научници откриле дека луѓето кои јаделе 11 или повеќе „порции“ ултра-преработена храна дневно имале 2,5 пати поголема веројатност да имаат рани знаци на Паркинсонова болест од оние кои јаделе три или помалку „порции“.
Една „порција“ е еквивалентна на лименка газиран сок или една лажица кечап. Имајте на ум дека храната што се смета за здрава, како салатите, може да биде и ултра-преработена.
Најраните знаци на Паркинсонова болест вклучуваат проблеми со спиењето, замор, запек и намалено чувство за мирис. Истражувачите известуваат дека вештачките адитиви што се наоѓаат во ултра-преработената храна предизвикуваат воспаление и оксидативен стрес. Ова ги оштетува невроните во мозокот кои произведуваат допамин, невротрансмитер кој го контролира движењето.
Покрај тоа, храната брзо се апсорбира во крвотокот и го напаѓа микробиомот, заедница на „пријателски“ бактерии кои живеат во цревата и „комуницираат“ со мозокот. Ксијанг Гао, кој е еден од авторите на истражувањето, изјави: „Здравата исхрана е клучна бидејќи е поврзана со помал ризик од невродегенеративни заболувања. Храната што ја избираме денес може значително да влијае на здравјето на нашиот мозок во иднина.“
Резултатите од истражувањето беа објавени во стручното списание Neurology.