Реконструкција на живеалиштата во Зоолошка градина Скопје

Со реконструкција на живеалиштето на жирафите започна проектот за реновирање и реконструкција во Зоолошка градина Скопје.

Утринава, влегоа камиони на градежната фирма „АД Карпош“ кои ќе работат на реконструкција на внатрешното живеалиште на жирафите. Реновирањето пред зимскиот период е донација од оваа градежна фирма.

„Ќе се реконструира живеалиште по живеалиште секаде каде што има потреба. Реновирањето на живеалиштата на животните е една од главните точки на проектот „Европска Зоолошка“, изјави директорот Ѓорѓи Галетановски.