Американскиот амбасадор Ентони Годфри рече дека „ги почитува луѓето кои мирно и легално го изразуваат своето мислење“, но дека верува дека ресурсите на литиум во Србија можат да донесат огромни придобивки за економскиот раст на Србија.
„Верувам дека ресурсите на литиум во Србија можат да донесат огромни придобивки за економскиот раст на Србија и би сакал тие да бидат развиени од транспарентна и јавно одговорна компанија“, изјави Годфри за „Блиц“ на прашањето за еколошките протести против „Рио Тинто“.
Тој рече дека верува оти Владата на Србија, како и акционерите на „Рио Тинто“ ќе бараат од оваа компанија да ги почитува највисоките стандарди во заштитата на животната средина и истовремено да и помогне на Србија да стане светски лидер во „веројатно најважните технологии во овој век“.
„Овој проект има огромен економски потенцијал за Србија. Доаѓа зелената економија. Дали Србија сака да купува или продава литиумски батерии“, рече Годфри.
Тој рече дека „демократијата не е лесна ниту напната, а граѓаните имаат многу различни мислења“.
„Ги почитувам луѓето кои го изразуваат своето мислење мирно и законски. Тоа е витален дел од секоја функционална демократија“, рече Годфри, кој е амбасадор во заминување од Србија.