Научниците открија антитела кои го спречуваат коронавирусот да инфицира човечки клетки во револуционерни истражувања кои можат да доведат до развој на нови третмани за лечење, пренесува „б92“.
Врз основа на истражување на антитела кои се насочени кон коровирусот САРС, научниците го идентификуваа она антитело кое го блокира Ковид 19.
Продолжувајќи ги истражувањата на коровирусите на САРС, научниците од Универзитетот Утрехт во Холандија, како и Медицинскиот центар Еразмус и компанијата Харбор Биомед (HBM), утврдија потенцијален метод за неутрализација на Ковид 19.
Откриле дека антителата кои спречуваат вирусот САРС да инфицираат човечки клетки, исто така, можат да блокираат коронавирусот да инфицира човечки клетки, покажала студијата објавена во списанието Nature Communications.
Со тестирање на нивната колекција на антитела врз човечки клетки, истражувачите го откриле она антитело кое се врзува за одреден дел кој е присутен и во САРС и во вирусот што предизвикува Ковид 19.
Откритието би можело да понуди почетен чекор кон развој на целосно човечко антитело за лекување или превенција на болеста, која зарази повеќе од 3,5 милиони луѓе ширум светот и доведе до повеќе од 247.000 смртни случаи.
Неутрализираните антитела „можат потенцијално да го променат текот на инфекцијата кај заразен домаќин, да го поддржат отстранувањето на вирусот или да заштитат незаразено лице изложено на вирусот“, рече д-р Беренд Џен Бош, ко-раководител и автор на студијата, пишува „Скај њуз“.
Антителото што се користи во ова истражување е целосно човечко, што овозможува развојот на лекот да продолжи забрзано и ги намалува потенцијалните несакани ефекти поврзани со имунитетот.