Состојки:
(за 4 лица)
– 1 – 1,5 литри бистра супа од зеленчук
– 250 гр свеж млад спанаќ
– 2 главици кромид
– 1 чешне лук
– 4 лажици масло
– 400 гр ориз
– 100 мл бело вино
– 2 лажици путер
– 200 гр пармезан
– сол, бибер
Подготовка:
Двете главици кромид ситно сецкани се пржат на масло. Додадете ориз, па постојано мешајте за да не загори.
Додадете бело вино и оставете го оризот да впие сè.
Намалете ја температурата. Додадете супа колку што е потребно за да го покрие целиот ориз, не премногу.
Оставете да се готви околу 25 минути, по потреба додавајќи ја супата повремено.
Измиениот млад спанаќ, путерот и половина рендан пармезан додајте ги на крајот, како и бибер и сол.
Сè добро измешајте.
Остатокот од пмезанот посипете го по рижото и посипете со малку маслиново масло.