Барем во две општини градоначалниците и советите ќе бидат на спротивни страни, а во 32 други никој нема мнозинство, пишува денеска Newsroom.
Што е најлошото што може да се случи? Да не се донесат детални урбанистички планови, да се блокира буџетот и со тоа да се спречи нормалното работење на општината, да се загуби целосната контрола врз собирањето ѓубре или врз снабдувањето со вода итн.
Ова не се само можни последици, туку и вистински искуства од општини каде што градоначалниците и советите не се согласувале поради политички или други причини. Резултатите од последните локални избори донесоа најмалку две општини во кои градоначалниците ќе се соочат со совети каде што мнозинството е против нив. Во 32 други општини, пак, никој нема мнозинство и градоначалникот нема да може да смета на стабилна поддршка.
Гази Баба и Росоман се двете општини каде што се очекуваат несогласувања и блокади. Борис Георгиевски од СДСМ победи во вториот круг во Гази Баба, но ќе се соочи со совет во кој ВМРО-ДПМНЕ има мнозинство со 14 пратеници, наспроти 12 на СДСМ и еден од заедничката листа на партиите на Албанците.
Во Росоман ситуацијата не е толку чиста. Таму градоначалник стана Бранко Јанев од СДСМ. Во советот, од 9 членови, четворица се од ВМРО-ДПМНЕ, тројца од СДСМ и по еден од Народното движење за Македонија и од Левица. Единствената можност за СДСМ да создаде мнозинство е да ги придобие советниците од помалите партии, но тие доаѓаат од политички движења што се во големи несогласувања со Зоран Заев и со неговата партија. Затоа е речиси извесно дека и таму владејачката партија ќе нема мнозинство.
Во другите 32 општини составот е многу поразновиден и ниту една советничка листа не освоила повеќе од половина од советничките места. Тоа особено важи за места како Македонски Брод, каде што има, дури петмина независни советници, четворица од СДСМ и двајца од ВМРО-ДПМНЕ. Во оваа општина традиционално има многу независни советници.
ЌЕ НЕМА НИТУ ПАРИ, НИТУ ПЛАНОВИ
Ако несогласувањата се зголемат, или ако политичките интереси замешаат прсти, мнозинството во Советот може на различни начини да ја попречува работата на општината. Во некои случаи, како во Аеродром додека на чело беше Кирил Тодоровски, може да не се донесе буџетот за следната година, па општината да оди под привремено финансирање три месеци. Тоа значи дека нема да има пари за ништо освен за плати и за редовни трошоци.
Советот исто така одлучува за формирање јавни претпријатија, но тоа и онака ретко се случува. Сепак, тој ги избира и управните одбори на овие претпријатија, а градоначалникот ги назначува директорите. Така, поделеноста во општината може лесно да се префрли и во претпријатијата кои ни обезбедуваат вода за пиење, ни го чистат отпадот, ни ја одржуваат канализацијата, ни ги поправаат улиците, ни го одржуваат зеленилото и извршуваат други неопходни работи.
Деталните урбанистички планови се многу важни зашто определуваат што и каде може да се гради и кој простор како ќе се уреди. Тоа важи и за јавниот простор и за приватните имоти. Нив ги подготвува администрацијата раководена од градоначалникот и ги усвојува советот. Или не ги усвојува, ако не се согласува со градоначалникот. Слично е и со програмите за користење на јавниот прстор и со многу други општински работи.
Но не значи дека е секогаш добро градоначалникот и советот да бидат на иста страна, ниту дека е секогаш лошо ако се на различни страни.
ПЕТРОВ: КОНТРОЛАТА Е ДОБРА, БЛОКАДИТЕ НЕ СЕ
Суштината на демократијата е да има разлики, иако тие понекогаш може да создадат пречки, вели Андреј Петров, поранешниот претседател на Заедницата на единиците на локалната самоуправа и градоначалник на општината Карпош.
„Логично е дека советот треба да ги одразува сите интереси на сите граѓани. Tоа не е нешто што треба да биде врзано директно со едната или со другата голема партија. Mоже да има и независни и непартиски советници. Во тој случај има потреба од правење коалиција. За мене е добро тоа, да нема чисто, големо и јасно мнозинство каде што една партија ќе ги има и градоначалникот и мнозинството во советот. Во такви ситуации советот може да се користи како контролен механизам“, објаснува Петров.
Во врска со можните пречки и блокади, тој вели дека тие не се продуктивни и граѓаните брзо ќе ги препознаат. Како што вели тој, советниците не се таму за да прават пречки, туку да работат за доброто на граѓаните.
„Праксата покажува дека никој од тие што правеле опструкции во минатото не биле наградени за тоа“, укажува Петров.
ОПШТИНИ КАДЕ ШТО МНОЗИНСТВОТО Е ОПОЗИЦИЈА НА ГРАДОНАЧАЛНИКОТ
ГАЗИ БАБА
ГРАДОНАЧАЛНИК: БОРИС ГЕОРГИЕВСКИ (СДСМ)
ДУИ,БЕСА И АА- 1
ВМРО-ДПМНЕ-14
СДСМ-12
РОСОМАН
ГРАДОНАЧАЛНИК: БРАНКО ЈАНЕВ (СДСМ)
НДМ-1
ВМРО-ДПМНЕ-4
ЛЕВИЦА-1
СДСМ-3
ОПШТИНИ КАДЕ ШТО НЕМА ЈАСНО МНОЗИНСТВО
БОГОВИЊЕ
ГРАДОНАЧАЛНИК: АЉБОН ЏЕМАИЛИ (АА)
ДУИ-7
АА-5
БЕСА-5
ДПА-2
БРВЕНИЦА
ГРАДОНАЧАЛНИК: ЕНВЕР ПАЈАЗИТИ
ДУИ-2
АА-2
ВМРО-ДПМНЕ-4
БЕСА-2
ДПА-1
СДСМ-4
БУТЕЛ
ГРАДОНАЧАЛНИК: ВЕЛИМИР СМИЛЕВСКИ (СДСМ)
ДУИ-1
АА-1
ВМРО-ДПМНЕ-8
БЕСА-1
СДСМ-8
ВРАПЧИШТЕ
ГРАДОНАЧАЛНИК: ИСЕН ШАБАНИ (АА)
ДУИ-7
АА-6
ДПТ-3
БЕСА-2
СДСМ-1
ГОСТИВАР
ГРАДОНАЧАЛНИК: АРБЕН ТАРАВАРИ (АА)
АА(2)-2
ДУИ-9
ДНЕТ-1
АА(9)-7
ДПТ-2
ВМРО-ДПМНЕ-4
БЕСА-2
СДСМ-4
ГРАДСКО
ГРАДОНАЧАЛНИК: РОБЕРТ БЕШОВСКИ (СДСМ)
ВМРО-ДПМНЕ-3
СДСМ-4
ГИ-ИВАНЧЕ ИВАНОВ-2
ДОЛНЕНИ
ГРАДОНАЧАЛНИК: ЏЕМИЛ КАМИЛИ (ДУИ)
ДУИ-3
АА-2
ДПТ-1
ВМРО-ДПМНЕ-2
БЕСА-1
ДПА-1
СДСМ-3
ГИ-ХУСЕИН ХАСАНОВИЌ-2
ЗЕЛЕНИКОВО
ГРАДОНАЧАЛНИК: ВОРЧЕ ГИЕВСКИ (СДСМ)
ДУИ-1
ВМРО-ДПМНЕ-4
СДСМ-4
ЗРНОВЦИ
ГРАДОНАЧАЛНИК: БЛАЖЕ СТАНКОВ (ВМРО-ДПМНЕ)
ВМРО-ДПМНЕ-4
СДСМ-4
ГИ-ВЛАДО РИСТОВ-1
КАВАДАРЦИ
ГРАДОНАЧАЛНИК: МИТКО ЈАНЧЕВ (ВМРО-ДПМНЕ)
ГРОМ-1
ВМРО-ДПМНЕ-8
СДСМ-9
ГИ-РИСТО САКАЛИЕВ-1
КРИВОГАШТАНИ
ГРАДОНАЧАЛНИК: РУБИНЧО ШЕФТЕРОСКИ (СДСМ)
ВМРО-ДПМНЕ-5
СДСМ-5
ГИ-ПЕЦЕ ЛИКОВСКИ-1
ЛИПКОВО
ГРАДОНАЧАЛНИК: ЕРКАН АРИФИ (ДУИ)
ДУИ-9
АА-3
БЕСА-4
ДПА-2
ПДП-1
ЛОЗОВО
ГРАДОНАЧАЛНИК: АЦЕ БЕЛКОВСКИ (СДСМ)
НДМ-1
ДНЕТ-1
ВМРО-ДПМНЕ-4
СДСМ-3
МАКЕДОНСКИ БРОД
ГРАДОНАЧАЛНИК: ЖИВКО СИЛЈАНОСКИ (СДСМ)
ВМРО-ДПМНЕ-2
СДСМ-4
ГИ-АЛЕКСАНДАР МАКСИМОСКИ-1
ГИ-ИВИЦА ДИМОВСКИ-1
ГИ-БРАНЕ ЈОВАНОСКИ-1
ГИ-ИВИЦА АВРАМОСКИ-1
ГИ-ИГОР ЈАНКУЛОСКИ-1
МОГИЛА
ГРАДОНАЧАЛНИЧКА: ЈАСМИНА ГУЛЕВСКА (СДСМ)
НДМ-1
ВМРО-ДПМНЕ-3
СДСМ-4
ГИ-НИКОЛЧЕ СРПЧАНСКИ-2
ГИ-БОРЧЕ БУЧИНСКИ-1
НОВАЦИ
ГРАДОНАЧАЛНИК: ЛУБЕ КУЗМАНОВСКИ (СДСМ)
ВМРО-ДПМНЕ-4
СДСМ-4
ГИ-СТЕФАН КАРАНФИЛОВСКИ-1
ОХРИД
ГРАДОНАЧАЛНИК: ЈОВАН СТОЈАНОСКИ (СДСМ)
ДУИ, БЕСА И АА-2
ВМРО-ДПМНЕ-10
СДСМ-11
ПЕТРОВЕЦ
ГРАДОНАЧАЛНИК: БОРЧЕ МИТЕВСКИ (ВМРО-ДПМНЕ)
ДУИ-1
АА-1
ВМРО-ДПМНЕ-5
СДСМ-3
ГИ-ШЕЌО ЛИЧИНА-1
ПРОБИШТИП
ГРАДОНАЧАЛНИК: ДРАГАН АНАСТАСОВ (СДСМ)
ВМРО-ДПМНЕ-6
СДСМ-7
ГИ-САШО АНДОВСКИ-2
РАДОВИШ
ГРАДОНАЧАЛНИК: ГЕРАСИМ КОНЗУЛОВ (СДСМ)
ДПТ-1
ВМРО-ДПМНЕ-7
СДСМ-8
ГИ-ГОРАН ПОЦЕВ-2
ГИ-ИГОР ПЕТКОВ-1
РАНКОВЦЕ
ГРАДОНАЧАЛНИК: ИВИЦА ТОШЕВСКИ
ВМРО-ДПМНЕ-3
СДСМ-3
ГИ-ДИМИТАР ЦВЕТКОВСКИ-3
РЕСЕН
ГРАДОНАЧАЛНИК: ЖИВКО ГОШАРЕВСКИ (СДСМ)
ДУИ-1
ВМРО-ДПМНЕ-7
СДСМ-7
СТАРО НАГОРИЧАНЕ
ГРАДОНАЧАЛНИЧКА: ЖАКЛИНА ЈОВАНОВСКА (СДСМ)
НДМ-1
ВМРО-ДПМНЕ-2
СДСМ-4
ГИ-САША АЛЕКСИЌ-2
СТРУГА
ГРАДОНАЧАЛНИК: РАМИЗ МЕРКО (ДУИ)
ДУИ-6
АА-8
ВМРО-ДПМНЕ-4
БЕСА-2
СДСМ-7
СТУДЕНИЧАНИ
ГРАДОНАЧАЛНИК: АЗЕМ САДИКУ (ДПА)
ДУИ-3
АА-1
ДПТ-1
БЕСА-3
ДПА-4
СДСМ-3
ТЕАРЦЕ
ГРАДОНАЧАЛНИК: ИСЕН АСАНИ (ДУИ)
ДУИ-7
АА-3
ВМРО-ДПМНЕ-1
БЕСА-4
ДПА-3
СДСМ-1
ТЕТОВО
ГРАДОНАЧАЛНИЧКА: ТЕУТА АРИФИ (ДУИ)
ДУИ-9
АА-4
ДПТ-1
ВМРО-ДПМНЕ-5
БЕСА-6
ДПА-3
СДСМ-3
ЦЕНТАР-ЖУПА
ГРАДОНАЧАЛНИК: АРИЈАН ИБРАИМ (ДНЕТ)
ДУИ-1
ВМРО-ДПМНЕ-2
ДНЕТ-1
ДПТ-4
СДСМ-3
ЧАИР:
ДУИ-9
АА-2
ВМРО-ДПМНЕ-4
БЕСА-8
СДСМ-4
ЧАШКА
ГРАДОНАЧАЛНИК: ГОРАН СТОЈАНОВСКИ (СДСМ)
ДУИ-2
ФБ-2
ВМРО-ДПМНЕ-3
СДСМ-4
ЧЕШИНОВО-ОБЛЕШЕВО
ГРАДОНАЧАЛНИК:ГОРАНЧО КРСТЕВ (СДСМ)
НДМ-1
ВМРО-ДПМНЕ-5
СДСМ-5
ЧУЧЕР-САНДЕВО
ГРАДОНАЧАЛНИК:ЈОВАН ПЕЈКОВСКИ
ДУИ-1
АА-1
ВМРО-ДПМНЕ-2
СДСМ-3
ГИ-ЈОВИЦА ПИРКОВИЌ-2
ГИ-БОГОЛУБ НИКИЌ-2
ШУТО ОРИЗАРИ
ГРАДОНАЧАЛНИК: КУРТО ДУДУШ (СДСМ)
ДУИ-2
АА-1
БЕСА-1
СРМ-7
СДСМ-8