Поголемиот број проиводители на автомобили ширум светот се приклучуваат на трендовите како развој на системи за автономно возење што може да го замени возачот кога тој ќе посака.
Сепак, има производители кои не го следат овој тренд. Меѓу нив е и суперлуксузниот автомобилски бренд Rolls-Royce.
Rolls-Royce нема да вложува во вакви системи од едноставна причина што сопствениците на овие луксузни модели уживаат да се возат во нив, а не да ги возат самите.
Директорот на Rolls-Royce Торстен Милер-Отвос вели дека клиентите кои купуваат ваков автомобил спаѓаат во класата на луѓе кои имаат свој шофер. Оние кои сами возат се „статистичка грешка“.
„Важно е да се сфати дека не повеќето, туку сите наши клиенти имаат лични шофери“, објаснува тој.
Милер-Отос додава дека нема смисла да ги опремуваат нивните возила со самовозечка технологија што го заменува шоферот, кога веќе има шофер на кого тоа му е работа.