Со своите два гола против ПСЖ, головите на Кристијано Роналдо во Лигата на шампионите се зголемија на 116, и на тој начин тој го потврди неговиот статус како најдобар стрелец во историјата на турнирот. Во меѓувреме, актуелниот освојувач на „Златна топка“ има повеќе голови во Лигата на шампионите или во нејзиниот претходник Куп на Европски шампиони од речиси сите тимови, кои учествувале барем во еден од двата турнира, пишува весникот „АС“.
Од основањето на КЕШ, 511 клуба учествувале во најпрестижното европско клубско натпреварување, но само 48 од нив имаат повеќе погодоци од Кристијано. Суперѕвездата на Реал Мадрид е веднаш зад ЦСКА (Москва), која е со 117, и е на два гола од тоа да се израмни со својот прв тим – Спортинг Лисабон, како и со Копенхаген, Бриж и Фенербахче. Тој е близу до финалистот од 1984 година, Рома кој постигна 122 погодоци. Исто така, напаѓачот е пред големите клубови како Манчестер Сити (102) и Наполи (60).
Роналдо постигна 10.9% од головите на Реал Мадрид на турнирот. Барселона, Валенсија и Атлетико Мадрид се останатите шпански тимови, кои бележеле повеќе од португалскиот репрезентативец, откако „рохибланкос“ се зад него, што се однесува само до ерата на ЛШ.
„Кралскиот“ клуб е број еден со своите 929 гола, а Баерн Минхен (652), Барселона (586), Манчестер Јунајтед (495) и Милан (416) се далеку зад него.