Претседателот на Комисијата за надворешни работи на германскиот Бундестаг, Михаел Рот денеска ќе престојува во посета на Република Северна Македонија.Пред денешните средби со државниот врв и во Парламентот во Скопје на тој на Твитер напиша дека доаѓа во предизвикувачко и фрустрирачко време за Македонците, напоменувајќи дека нема да чекори сам.
-Добро утро Скопје! Добро е да се вратиш во предизвикувачки, фрустрирачки времиња за Македонците! Но вие никогаш нема да чекорите сами… Надежта е клучот! И патем: Македонскиот е јазик во Европа на културни различности!, напиша на Твитер Рот.
Тој ќе биде примен од претседателот Стево Пендаровски, а ќе има средби и со претседателот на Собранието Талат Џафери, претседателот на собраниската Комисија за надворешни работи, Антониjо Милошоски и со вицепремиерот задолжен за европски прашања Бојан Маричиќ.