Русија изврши напади врз неколку региони во Украина

Русија рано утринава изврши удари на неколку украински региони, вклучително и главниот град Киев, црноморското пристаниште Одеса и вториот по големина град Харков, предизвикувајќи прекин на електричната енергија, соопштија регионалните власти.

Нападот бил извршен врз повеќе цели во градовите кои се протегаат од Житомир, Виница и Ривне на запад до Дњепар и Полтава во централна Украина, пренесува „Ројтерс“.

Градоначалникот на Киев, Виталиј Кличко, објави дека во југозападниот дел на градот се регистрирани експлозии и дека спасувачките служби се на терен.