Руската влада го забрани извозот во голем број земји, меѓу кои и С. Македонија, до крајот на 2023 година на воена опрема, гориво за нив, како и хеликоптери Ми-2, Ми-8, Ми-17 и Ми-26, се вели во одлуката објавена на тамошниот официјален портал за правни информации.
Документот наведува дека од Русија не смеат да се извезуваат ракетни-носачи, гориво за нив и компоненти на гориво, беспилотни летала кои можат да летаат повеќе од половина час, теренски камиони со најмалку три оски и мотор со волумен од најмалку 10 литри и теренски оклопни возила тешки повеќе од пет тони.
Покрај хеликоптерите, забраната се однесува и на разни патрони и експлозиви, уреди за ноќно гледање, микроелектроника, оптички нишани, термички слики, далечина, електровакуумски уреди за воена радио опрема, средства за заштита од огнено оружје и шрапнели, како и оклопни елементи за нив.
На списокот на земји во кои не смеат да се извезуваат споменатите производи покрај Северна Македонија, се и Црна Гора, Австралија, Албанија, Андора, Велика Британија, земји членки на Европската унија, Исланд, Канада, Лихтенштајн, Микронезија, Монако, Нов Зеланд, Норвешка , Јужна Кореја, Сан Марино, Сингапур, Соединетите Американски Држави, Тајван, Украина, Швајцарија и Јапонија.