Во интервју за „Sky News“, заменик рускиот амбасадор во ОН, Дмитриј Полјански инсистираше на тврдењето дека Русија не „краде деца“, туку „ги спасува“.
Ваквиот настап дојде откако еден новинар побара од него да ја коментира приказната на „Sky News“ за петнаесет украински деца кои беа однесени во Русија против нивна волја.
Полјански за споменатата приказна рече дека тоа е „само уште една клевета, кампања против Русија, која овојпат за жал го искористува прашањето за децата во војна“, пренесува „Index.hr“.
Russia's deputy ambassador to the UN @Dpol_un says his country has been "accused of stealing children, but in fact we are saving children".
Fifteen Ukrainian orphans have told Sky News they were taken to Russia against their will.https://t.co/42ASRJNIdh
📺 Sky 501 / YouTube pic.twitter.com/Nz458gFd2g
— Sky News (@SkyNews) April 20, 2023
Инаку, во февруари САД објавија извештај во кој се вели дека Русија држи најмалку 6.000 украински деца, а веројатно и многу повеќе низ цела Русија, но и на Крим.
-Некои деца биле донесени преку системот и посвоени од руски семејства или преместени во згрижувачки домови во Русија, се вели во извештајот.
Најмалото дете запишано во руската програма имало само четири месеци, а некои кампови обезбедувале воена обука за деца на возраст од 14 години, објавија истражувачите од Универзитетот Јеил.