Директорот на Фондот за напредни студии, генерал-полковник и доктор на технички науки Андреј Григориев раскажува какво ќе биде оружјето на идните војни, во кои ќе се борат борбени роботи, ударни безпилотници, а луѓето ќе се претворат во “легионери” и оператори.

Кога можеме да очекуваме појава на прототипот на борбениот робот?

Андреј Григориев: Центарот нема задача да создава борбени роботи и нивни системи. Тоа е задача на нарачателите – Министерството за одбрана на Русија, Федералната служба за безбедност (ФСБ), Министерството за вонредни ситуации и така натаму. Нашата работа е да создадеме воздухопловна електроника, без која овие роботи не можат да работат: Инструментална база, врски, енергетика, мотори, системи за колективно управување, интеракцијата “оператор-машина” и сè друго.

Министерството за одбрана подобро знае од каков вид им е потребен борбен робот. Но главниот конструктор кој ќе го развива, нема да започне работа од нула, туку ќе има конструктор “Лего”, од кој многу брзо ќе ја создаде машината потребна на нарачателот. Токму тоа е задача на центарот.

Стивен Хокинг: Мора да се преиспита односот кон богатството

Постоечкиот боен робот “Нерехта” е прототип на нашата идна борбена платформа. Тоа не е нарачка на Министерството за одбрана, туку борбена платформа која ја развиваме со помош на постоечките клучни технологии.
Дали е оформен проектот за развој на новата генерација на “Ратник” – опремата на војникот на иднината?

А.Г .: Работата на “Ратник-2” се врши во Министерството за одбрана, а ние работиме, условно кажано, на “Ратник-3”. Кај нас овој проект се нарекува “Легија”, а во иднина, по завршувањето, ќе се вика поинаку. Работата се состои во тоа дека ние прво ги разгледуваме огненото оружје и личната заштита на војникот во целиншрапнели и куршуми, опрема со подобрен квалитет, овозможувајќи човек да се чувствува удобно практично во секакви временски услови.

Тука се прават и развојни елемнети поврзани со исхраната на војникот, средства за медикаментозно одржување, евакуација, дијагностицирање и ефикасно лекување во зависност од локацијата. Ги цениме можностите на телемедицината и медицинската роботехника, за да може секаде да добијат лекарска помош со висок квалитет, да биде планирана операција, терапија за војникот, кој се наоѓа на друг континент на пример. Лекарите ќе можат да ги поднесат своите вештини на роботи кои ќе ги вршат соодветните операции.

Како го замислувате бојното поле на иднината?

А.Г .: Според мене ќе има се поголема и поголема роботизација – практично ќе биде војна на операторите и машините, а не на војници на бојното поле, кои пукаат едни против други. Борбените задачи ќе се решаваат со минимални загуби на персонал. Војникот постепено ќе стане оператор и ќе се оддалечи од бојното поле.

Кои се перспективите пред борбените машини: авиони, тенкови?

А.Г .: Нашиот став е дека иднината припаѓа на беспилотните системи. При тоа на универзалните и хипермедијациските, а не како што ги делат во моментов – на фиксни, воздушни … Овие идни моќни роботски единици, ќе војуваат и на земјата, и во воздухот, и вода, и под вода, и во вселената. И сето ова интегрирано во еден голем разузнавачки-ударен систем.

Колку проекти развива Фондот во моментов?

А.Г .: Нашите проекти се делат на два дела: големи, кои во моментов се 46, и мали – во вредност до 3 милиони рубљи, при што јспроведуваме студија на тактика-техничките барања и тактичко-економската оправданост за реализација.

Кои проекти се пред завршување?

А.Г .: Почнавме отворено тестирање на проектот “Хербариј” – систем за колективен развој на инженеринг на програмски потенцијал. Заврши заеднички проект со Министерството за вонредни ситуации на Русија “Систем 112”, потоа нашата лабораторија ќе се занимава со решавање на задачата за препознавање на слики, за да можеме да ги замениме огромниот број оператори, кои опслужуваат вонредни настани преку камери за надзор, со автоматски системи . Се завршуваат и голем број затворени проекти. Редовно даваме извештаи за својата работа на раководството на земјата.