Руската служба за фитосанитарен надзор (Роспотребнадзор) започна со работа за развој на биочип за тестирање на коронавирусот, објавено е на веб-страницата на компанијата.
Роспотребнадзор ги објави резултатите од сложените истражувања на ковид спроведена во Институтот за епидемиологија и микробиологија „Блохин“.
Во соопштението се наведува дека се работи на создавање прототип на биочип за индикација на тековните патогени пневмонии, вклучувајќи го и вирусот САРС-КоВ-2, пренесува „Спутник“.
„Планот е да се карактеризираат регионалните карактеристики на етиолошката структура на пневмонијата, односно неговото потекло и причини, што ќе се користат за да се направи прототип на ДНК биочип“, се вели во соопштението.
Истражувањата за развој на биочипови за тестирање на коронавирус се одвиваат и во Инженерскиот центар за микротехнологија и дијагностика на Електротехничкиот факултет во Санкт Петербург „ЛЕТИ“, пренесува „Танјуг“.
Центарот истражува и развива мултимодални биосензори за брзо откривање на биомаркери, вируси и микроорганизми веќе неколку години, вклучувајќи дијагностицирање на биомаркер на акутен миокарден инфаркт, стрес и брза дијагноза на коронавирус САРС-КоВ-2 со употреба на пептиди.
Развиена е научна и технолошка основа за биочипови со цел да се идентификуваат патогените микроорганизми и да се тестира нивната отпорност на антибиотици.
Во истражувањето учествуваат Институтот за научно истражување (НИИ) на Министерството за здравство на Русија, НИИ на чисти биопрепарати и НИИ на епидемиологија и микробиологија „Пастер“ од Санкт Петербург.