Владимир Соловјов, омилениот новинар на рускиот претседател Владимир Путин, во неделата повика на нуклеарен напад врз секоја земја која ќе се обиде да го уапси рускиот лидер поради налогот за апсење издаден од Меѓународниот кривичен суд (МКС) во Хаг.
Соловјов го започна своето излагање осврнувајќи се на неодамнешната изјава на германскиот министер за правда Марк Бушман за наредбата на МКС.
„Германија ќе биде обврзана да го уапси претседателот Путин доколку влезе на германска територија и да го предаде на Меѓународниот кривичен суд“, рече Бушман.
On last night’s show, Solovyov didn’t spell out explicitly that The Hague had issued an arrest warrant for Putin (he did mention Lvova-Belova by name), but warned that any country that dare even declare its intention to detain the Russian president would be nuked pic.twitter.com/0S7GUpfUyJ
— Francis Scarr (@francis_scarr) March 20, 2023
Рускиот пропагандист коментираше дека секоја структура или која било држава која ќе се осмели да каже дека ќе се обиде да ја спроведе одлуката треба да знае дека тоа е обид за спроведување на објава на војна.
„Тој идиот, министерот за правда, треба да се запознае со ракетите Сармат. За тоа е потребен итен нуклеарен удар врз таа земја! Веднаш! Односно, секој обид да се направи тоа, да се оди против волјата на рускиот народ, која е многу јасно изразена, мора да резултира со ракетен напад“, рече Соловјов.