САД: Инфлацијата е најголемиот внатрешен проблем

Инфлацијата е најголемиот внатрешен проблем во САД, според самиот претседател Џозеф Бајден, но и проценките на 70 отсто од анкетираните Американци, пренесуваат американските медиуми.

Додека на Волстрит постои страв од рецесија, обичните граѓани се плашат да одат во супермаркет или на бензинска пумпа.

Стравот од рецесија се зголеми бидејќи Федералните резерви на САД ја зголемија основната каматна стапка за 0,75 отсто – најголем пораст во речиси три децении, пренесе Гласот на Америка.