500 војници се очекува да бидат испратени до базата на Принц Султан, што се наоѓа во пустинска област источно од главниот град на Ријад, Саудиска Арабија, според двајца американски воени претставници.

  Мал тим на војници и персонал за поддршка веќе е испратен на локацијата за да ги заврши прелиминарните активности за распоредување на батериите со ракетниот систем Патриот и подобрување на пистите во базата, посочуваат истите  извори.

САД инсталираат војници во регионот за некое време поради иранската ракетна закана. Белата куќа е категорична во својата посветеност да се заштити Саудиска Арабија од иранска агресија.

Минатиот месец администрацијата објави дека испрати дополнителни 1.000 војници на Блискиот Исток . Некои од нив ќе бидат лоцирани во Саудиска Арабија.

  Претходно Претставничкиот дом на САД одобри три резолуции насочени кон блокирање на планираната од претседателот Доналд Трамп продажба на воени проектили и друго оружје за Саудиска Арабија, Обединетите Арапски Емирати (ОАЕ) и Јордан.