САД одговорија со „прецизен напад“ на убиството на Американец во источна Сирија

Американските сили извршија „прецизни напади“ од воздух во источна Сирија по нападот со беспилотно летало во кој загина еден Американец, соопшти Пентагон.

Нападот со беспилотно летало се случил вчера, а погоден е и објектот за одржување во базата во североисточна Сирија, се вели во соопштението објавено доцна синоќа.

Според американската разузнавачка служба, дронот бил со „иранско потекло“.

Американскиот државјанин кој бил убиен бил договорен работник во базата. Во нападот биле ранети шест американски државјани.

Неколку стотици американски војници се уште се во Сирија како дел од коалицијата која се бори против Исламската држава (ИД). Тие често се цел на напади од членови на милицијата.