Соединетите Американски Држави денеска официјално отвораат нова воздухопловна база во северниот дел на Полска, во градот Реџиково, како дел од системот за противракетна одбрана на НАТО.
Оваа база е симбол на силната воено-стратешка алијанса меѓу Полска и САД, а нејзиниот развој е во тек уште од 2000-тите, според Ројтерс.
Полскиот министер за надворешни работи Радослав Сикорски изјави дека завршувањето на изградбата на базата ја потврдува решеноста на Соединетите Американски Држави да ја поддржат Полска, без оглед на политичките промени во Вашингтон.
Отворањето на американската база за противракетна одбрана во Полска е обид да се ограничи рускиот воен потенцијал и да се доведе до преземање соодветни мерки, изјави секретарот за печат на Кремљ, Дмитриј Песков.
„Ова подобрување на американската воена инфраструктура кон нашите граници не е ништо повеќе од обид да се ограничи нашиот воен потенцијал, тоа води до усвојување соодветни мерки за обезбедување паритет“, рече Песков, пренесува РИА Новости.