Кабинетот на американскиот претседател Џо Бајден воведе санкции за група турски компании поради водење бизнис со Русија, како дел од поширокиот пакет мерки што ги вклучува и рускиот Автоваз и две компании со седиште во Финска.
Санкциите се насочени кон бродските и трговските компании обвинети за помагање во поправка на санкционирани бродови поврзани со руското Министерство за одбрана и помагање во трансферот на „стоки со двојна употреба“, се вели во соопштението објавено во четвртокот.
Санкционирани беа Margiana Insaat Dis Ticaret, поради стотина пратки до санкционирани руски компании кои се составен дел од синџирот на снабдување во производството на воени дронови и Demirci Bilisim Ticaret Sanayi, поради испорака на сензори и мерни алатки во Русија.
Ројтерс не можеше веднаш да дојде до компаниите за коментар.
Стејт департментот ја наведе компанијата Denkar Ship Construction за поправка на бродови, кои се означени како бродови од компании поврзани со руското Министерство за одбрана.
Denkar, исто така, не одговори веднаш на барањето за коментар.
Казнени мерки беа изречени и на турската бродоградежна агенција ID Ship Agency и нејзиниот сопственик и CTL Limited, која, според Стејт департментот, посредува и доставува електронски компоненти од американско и европско потекло за руските компании.
Компаниите и Dogruyol веднаш не ги коментираа казните.
Поширокиот пакет ја таргетира и руската индустриска база, вклучувајќи го производителот на автомобили „Автоваз“, и поморскиот сектор и добавувачите на технологија, како и погоните за производство и поправки на руските системи за оружје.
Списокот вклучува и две логистички компании со седиште во Финска, Siberica Oy и Luminor Oy, поради испорака на странска електроника до крајните корисници во Русија, се вели во соопштението за печатот од Министерството за финансии.