Сали: Таравари веќе не е дел од „Вреди“ поради тајна комуникација со Ахмети

Арбен Таравари повеќе не е дел од коалицијата „Вреди“, откако во јавноста се откри дека имал тајна комуникација со лидерот на ДУИ, Али Ахмети, без знаење на останатите коалициони партнери. Ова, како и неговото инсистирање на одвоени листи за советници, доведе до преиспитување на соработката со него, изјави Беким Сали во емисијата „Топ тема“ на ТВ Телма.

„Тој сам се самоопредели да биде дел од една кауза која не е мисија на ‘Вреди’“, рече Сали, додавајќи дека одлуката за исклучување е донесена по консултации меѓу коалиционите партнери.