Во своето соопштение, владејачката СДСМ денес посочува дека не треба да се злоупотребуваат заразените лица од Ковид 19, за маркетиншки цели и блокада на важната статистичка операција како што е пописот.
„Претстојниот попис на население и домаќинства ќе се спроведе по сите светски стандарди и со почитување на сите протоколи и мерки за зашттита на здравјето од коронавирусот. По 19 години државата ќе спроведе попис со кој ќе се добијат релевантни, прецизни и точни податоци, важни за креирање и спроведување на долгорочни, одржливи политики и стратегии.
Христијан Мицкоски одново бара алиби, како што бараше алиби за да побегне од локалните избори во Штип.
Потрчкото на Сашо Мијалков и Никола Груевски, Христијан Мицкоски, човекот кој прв ги кршеше мерките за заштита од коронавирусот денеска без срам и перде ги злоупотребува заболените и починатите од коронавирус во своите деструктивни политики на штета на граѓаните и државата.
Тоа е Мицкоски, кога не шири лажни вести, кога не брани криминал, тогаш злоупотребува човечки несреќи во обид да ќари некаков политички поен, во обид да си ја зачува фотелјата во белиот дворец.
И додека тој бара одлагање на пописот глумејќи загриженост за здравјето на граѓаните, неговите соработници организираат јавни собири собирајќи потписи за спас на неговата фотелја во белиот дворец.
Мицкоски не е загрижен за здравјето на граѓаните, ниту пак сака државата да спроведе попис по цели 19 години. Се што тој прави е само за да го спречи напредокот на општеството, државата да остане без попис и целосни податоци, но тој филм нема да го гледа.
Граѓаните одамна го знаат тоа и затоа Мицкоски шест пати е поразуван, затоа е во опозиција и затоа уште долго ќе остане таму“, се вели во соопштението на СДСМ.