„После 11 години режим на ВМРО-ДПМНЕ, без слобода, со замолчувања, медиумски мрак, упад во Собрание со обиди за убиство на пратеници, тепање студенти и бројни случаи за пресметка со неистомислениците, работите се променети од корен. Сега народот ја живее слободата и демократијата за која Зоран Заев се избори заедно со нив, рамо до рамо со сите слобоумни граѓани. Граѓаните не заборавија дека режмиот на ДПМНЕ ги исфрли антифашистичките борци на улица, дека ги менуваше називите на улиците и институции, кои носеа имиња на партизани, не заборавија дека го изградија Музејот на жртвите на комунизмот“, се вели во реакцијата на СДСМ на пресот на Александар Николоски.
„На ДПМНЕ, Мицкоски и Николоски ако досега не им беше јасно еве пак ќе им појасниме: граѓаните даваат доверба, на избори. А избори имаше пред само 4 месеци, на кои народот му ја прати пораката на губитникиот Мицкоски, му го покажа патот, во опозиција.
Граѓаните избраа подобра иднина, застанаа зад храбрите и мудрите политики на претседателот Заев и на СДСМ, кои ја одведоа државата во полноправно членство на НАТО, кои обезбедија напредок по 25 години и поддршка од целиот свет.
Македонската иднина е во Европската Унија, Македонците со својот македонски јазик чекорат напред кон Европа, кон просперитет и кон пријателство со сите соседи.
Затоа јавноста не го поддржува ВМРО-ДПМНЕ, затоа Мицкоски доживува дебакли на секој протест, затоа беше казнет од граѓаните и затоа уште долго ќе остане во опозиција“, додаваат оттаму.