Пропадна уште едно сценарио на ВМРО-ДПМНЕ и Левица од една и бугарското ВМРО од друга страна, за создавање тензии, конфликти и хаос, вели од СДСМ за случувањата од изминатиот викенд и чествувањето на роденденот на Гоце Делчев.
Од владеачката партија се децидни дека државата, институциите и Министерството за внатрешни работи со одговорен ефикасен и професионален однос не дозволи да се случат инциденти.
-Јавната безбедност беше зачувана на високо ниво, не се дозволија ескалации и загрозување на јавниот ред и мир, а чествувањето на 151 година од раѓањето, на македонскиот великан, визионер, револуционер, Гоце Делчев, се одвиваше мирно и достоинствено.
-Затоа заложникот на Димитар Апасиев, Христијан Мицкоски е во очај и разочаран, бидејќи навремено беше спречен неговиот план за предизвикување инциденти, порачаа од СДСМ.