Христијан Мицкоски молчи за фактот што САД на својата црна листа го стави неговиот шеф и осуден криминалец во бегство Никола Груевски, реагираат од СДСМ во врска со одлуката на САД да ги стават на „црна листа“ пораншениот лидер на ВМРО-ДПМНЕ и премиер, Никола Груевски и поранешниот директор на УБК Сашо Мијалков.
-Причината за овој потег сите ја знаеме и слушнавме и во бомбите, а тоа е вмешаноста на Груевски во бројни случаи на корупција и криминал.На црната листа на САД заедно со Груевски е и братучедот Сашо Мијалков.Дали тишината, молкот на Мицкоски можеби значи дека тој стравува дека по Груевски тој е следен на црната листа на САД, како еден од соработниците на Никола Груевски, негова десна рака, негов советник, генерален секретар на ВМРО-ДПМНЕ?, прашуваат од СДСМ.
Оттаму посочуваат дека овие сомневања дополнително ги поткрепуваат фактот што голем број на блиски соработници на Груевски во 11 годишниот режим, сега се блиски соработници на Мицкоски.
-До денеска Мицкоски се нема оградено за целиот криминал на ВМРО-ДПМНЕ. Не слушнавме осуда за сторените дела, ниту згрозување, ниту извинување кон граѓаните. Христијан Мицкоски наместо повик за одговорност, останува на браникот на криминалот.Во ВМРО-ДПМНЕ нема никаква промена, тоа е истата режимска и криминална партија, посочуваат од владејачката партија.