Во очи годишнината од крвавиот четврток, 27 април 2017 година, најцрниот ден за македонската демократија, кога вооружени насилници упаднаа во Парламентот и се обидоа да убијат пратеници, новинари и вработени во собраниските служби, ВМРО-ДПМНЕ се врати на местото на злосторот и застана во одбрана на насилството и насилниците, порача утрово СДСМ преку партиско соопштение во врска со вчерашниот мирен протест за поддршка на осудените за 27 април.
“Насилниците, кои дивееја низ храмот на демократијата, пред камери тепаа пратеници, кршеа, уништува, се обидоа да ја погазат волјата на народот и ја доведоа државата на раб на граѓанска војна, не го бранеа Уставот, туку ја бранеа фотелјата на бегалецот од правдата Никола Груевски.
Мицкоски кој и самиот беше дел од толпата пред Собранието на крвавиот четврток, застана токму зад овие осудени насилници, застана на браникот на криминалот и насилството”, стои во соопштението во кое меѓу другото се вели и дека Мицкоски е остаток од мрачното, режимско минато, кој работи на штета на граѓаните и државата, но криминалот нема да го одбрани.
“Одговорност за сите криминали, вклучително и за организаторите на крвавиот четврток мора да има и ќе има.
Деструктивните политики на ВМРО-ДПМНЕ се казнети шест пати за четири години и повторно ќе бидат поразени, граѓаните не за криминал и насилство, не се за лицемерие, лаги и блокади, затоа ВМРО-ДПМНЕ уште долго ќе остане во опозиција”, порачува СДСМ во соопштението.