СДСМ подава рака на секоја политичка партија која сака да се приклучи да ја постави државата на маса на новата геополитичка реалност, што е примарна цел на С. Македонија.
-Нашата нова голема тема, голема идеја е големо општествено и националано помирување и обединување околу европскиот концепт, околу европскиот пат на државата! Време е да се мобилизираат сите прогресивни сили кои ги делат европските вредности, велат од партијата.
СДСМ оценува дека време е за целосен општествен консензус за европскиот пат и европската иднината на државата.
-Да кажеме НЕ за нови делби, да кажеме НЕ за нови лажни пророци. Да кажеме ДА за обединување, за обединување во најширока смисла – национална, меѓунационална, политичка и државна! Тоа е врвот на современиот патриотизам, стои во соопштението од „Бихаќка“.