СДСМ: Поддржани 919 компании кои инвестираат 800 милиони евра во државата

За 6 години Владата предводена од СДСМ со 100 милиони евра поддржа 919 домашни, македонски компании, преку Законот за финансиска поддршка на инвестициите, информираат од СДСМ.

Се вели дека сите овие компании веќе имаат реализирано инвестиции вредни 500 милиони евра, а уште 300 милиони се во фаза на реализација во наредниот период.

-Тоа се 800 милиони евра инвестиции од македонски компании, што е еден вид инвестициски бум од домашни компании каков што досега не е забележан. Ова е уште една силна потврда за исправните економски политики на Владата предводена од СДСМ кои даваат резултат, истакнуваат од владеачката партија.