СДСМ: Просечната плата во јануари изнесува 29.980 денари

За месец јануари 2022 година, просечната плата изнесува 29.980 денари. На чекор сме до исполнување на едно од најважните изборни ветувања – просечна плата од 30.000 денари, велат од сДСМ преку соопштение.

Според владеачката партија, политиките на СДСМ придонесоа платите да растат во сите сектори.

-Освен растот на платите, потврда за поддршката на стандардот на граѓаните е и пакетот антикризни мерки од 400 милиони евра со кои им се помага на граѓаните, но и на компаниите и кои веќе даваат резултат. СДСМ останува на страната на заштита на интересите на граѓаните и државата. Продолжуваме со реализација на мерки и политики што значат повеќе пари и подобар животен стандард на сите граѓани, стои во соопштението на партијата од „Бихаќка“.