Владејачката, СДСМ, во рамки на денешното соопштение, посочи дека ВМРО ДПМНЕ е синоним за криминал и корупција, и уште еднаш обвинија за нивното 11-годишно режимско владеење.
„ВМРО-ДПМНЕ е партија која е синоним за криминал, корупција и неказнивост, партија која за 11 години режимско владеење создаде „заробена држава“ со партизирано судство и нееднаквост пред законите.
Поради таквиот однос на ВМРО-ДПМНЕ државата 10 години тонеше по сите индекси на слобода и демократија и затоа денес, оваа партија предводена од губитникот Христијан Мицкоски нема никаков кредибилитет да зборува за степенот на демократија во државата.
Две години по ред, 2018 и 2019, државата бележеше напредок на Индексот на демократија на „Економист“ откако претходно 10 години по ред вртоглаво паѓаше, а за 2020 се воочени благи негативни моменти кои се должат на рестрикциите кои беа неопходни во време на пандемија и здравствена криза, како и поради недостиг на напредок во политичката култура, што главно се должи на лажни вести, на политички радикализам, самовластие и неказнивост а за кои што има и јавно познати виновници.
Денес, нема поголемо лицемерие од тоа за криминал и корупција да зборува партија чие што претходно раководство, чии што пратеници се секојдневно пред судовите, обвинети, а некои и осудени за сторени кривични дела.
Денес, исплашени од реформите во судството исплашени од правдата, ВМРО-ДПМНЕ поднесува неосновани интерпелации во очај да ги закочи и забави реформските процеси
ВМРО-ДПМНЕ и на власт и во опозиција знае само за криминал, за деструкција и лажни вести. Затоа шест пати се поразувани од граѓаните и затоа и на следните избори ги очекува нов пораз“, стои во соопштението на СДСМ.