Се крева густ чад: Горат запалени гуми во Желино

Територијалната противпожарна единица Тетово интервенира на отпад со запалени автомобилиски гуми спроти фабриката Киел во село Желино. Од местото се крева густ црн чад. Пожарот се уште не е локализиран.

Според првичните информации, пожарот избувнал околу 12 часот и 30 минути.

Токму чадот од автомобилски гуми е опасен по здравјето и придонесува за пораст на канцерогените ПМ честички во воздухот.

-Гаснењето е отежнато поради големата количина на автомобилски гуми, информира Центарот за управување со кризи (ЦУК).

Според проценките на ЦУК, нема опасност пожарот да зафати соседни објекти.